THUKHAWCHANG(U Patean sa a hmeh ve)

THUKHAWCHANG(U Patean sa a hmeh ve)

“Chhawrthlapui khian mi rawn en a,
Siahthing zar mawi phenah mi rawn en a,
Ka ngen a che, va eng ve la,
Ka ngaihlai di runah”
Heng hla thu ril lutuk mai, hrechhuak tur khawpa thla engin ka lung an len tak mai chu le, khuangchawi thla phei chu engtin tak tuar ang i maw! Ka lung a leng lutuk, lunglen thu ziah zawm tur pawh ka awm meuhlo a ni e. Tu kan dem chuang ang le ‘ka di chhawrthlapui’ nge sul lo vei!?
Ka lunglen thu han kur pui turin tha ka nei mawlh si lova, han nei tehreng pawh ni ila phawrh chhuak thiam dawn hek suh i! Hetiang hunah chiah hian alawm thian tha ka neih, an tawng chak leh tawnghmang thiam vanga min khengbet a,’ Beram a hmulmettu hmaa ngawi renga a ding ang’ tih zawng zawng min chantirtu te ho hi khenbeh let ve chaka ka tuihal thin reng ni!

'Rethei Run’ hotupa, tawng chakzet(a hming chu sawi lo mai ila, a zah takin, U Patea ania!) hian mi kalpah ve thlazen mai. Vanneih vang hrim hrima ngaihzawng a han neive thin, nilo, vanneih vang mai ni lo, khawngaihna vangin an lo ngaizawng ve thin tih mai loh hi chu han ngaihsan vakna tur tehchiam ka hre mang der lo nia mawle. Tawngkauchhehah vawksa leh bawngsa ka hmeh dawn an ti ve khanglang zel lehnghal, amah la hrechiang chiah lotu a in chungpa hian a ningin a zahpui ve thin ngawt ang chu!
Hmanni chu sa i ei khat sia, sa ka rawn lei anga chaw kan ei dawn nia i inah ka tia, sa chu kan hmeh ta ngei mai. Ka haw hnuah an in chungpain zanin chu enge in hmeh a lo tia, U Patea chuan ’chiau, chiau, chiau’ tiin a lo chhang peka! Inchungpa chuan a lo hrethiam lo nasa, chu chu enge a awmzia tiin a zawt nawn leh ngat a, 'chicken' tihna mawle tiin an in chhang ta a ni awm e! Sa kan hmeh atanga ninga ral hnuah pawh chuan a ha a lo la kher a lo la kher a ni awm e! ka khawngaih lutuk a, vawksa leh bawngsa Ka lei leh ta ngawt a, kan inah sa ei turin chaweiah ka sawm leh ta a… Khami tum phei kha chuan engtia rei tak a ha kher lehpek ang maw!( A ni tawng chak lutuk hian Jona sa ka hmeh pui tiin Heheu Chhungkua(Hmangaiha te) bulah a lo sawi hmanhmawh lehnghal a…) Heti hi ania, min han khengbet mai thin thian ka neih lai pawh hian min beih rawn lai pawha kil khata huai taka ngawi reng a min lo tanve em emtu thian NuititihSawma te ang an lo awm veleh khauh thin hian tlem chuan hah a ti dam deuh thin!
‘Rethei Run’ hotupa U Patea hian ‘My Dad is my ATM’ tih a lo hresual pek a ni awm e! Keichu min zawt suh u, ka khawngaih tlat! ka sawichhuah sak dawn lo, Sir Tluangtea zawt mai rawh u, thawk pawh la miah lovin ‘Mawiteii is my ATM’ tiin a lo hreve pek alawm tiin zam miah lovin a lo hrilh ngei ang che u! U Patea te hi zawng ‘ka zu chhuk lawk’ tih pah a ‘chho nul nul’ chi hi an ni ve reng reng a, ka khawngaih tlat ka tih tawh kha! Keizawng tisa leh thlarauah ka hausa si a!

THUKHAWCHANG

THUKHAWCHANG

Mawnga khawnge I awm? I lo thleng dawn tawh em, kan lo nghak reng che nia! He thu tawite hian keini thianzaho thiltum leh induhsakzia a keng tel deuh vek zu nia mawle, tudang kan mamawh lova, kan hlim vei phian thin! Mahse maw, kan hetih lai hian SMS dangdai leh mak tak mai ka dawng mauh peka…., Pastor ni pha chiahlo ‘Papawr Hmangaiha’ pawh hian a dawng ve chiang ang! “Kei, Marina Lalnunziri hian zahngai tak leh ama duh ang takin Marema hming chu zanin atang hian ukil Tluangtea hriatpuinain ‘Silencer’(a vawih reng vang ni fahmiang!) tiin thlak a ni e” tiin a rawn thawn alawm le. Ka nuih hi a han ti za khawp a(h), pa tawng tlem tak thianpa NuititihSawma pawh hian dawng ve ngat se zawng awmhmunah a kiai ve suk ania ka rin ni!
Mahse Ukil Tluangtea tih tak khi zawng ka pai dam thei meuhlo, Ukil ni chiahlo Uankil anih ka ring ngawt pek a…Uankil awmzia hi min zawt suh ulangin ‘Papawr Hmangaiha’ zawt ang che u….!

Thukhawchang tih thupui hmanga thu ziah nawmna chu e, thu inpersan zet zet ziah mai hi a awlsam a, thudanga han pakai daih hi a remchang thei fu zu nia..Kha tak rawh, lo thlir teh..Ka lung a leng ta tlat asin…Pu C. Rinmawia hla ngei hi ‘Aw ngaihzual I tello chuan ka tlei theilo asin’. A ni tak asin, ngaihzuali tello hi chuan lung hi a lo leng thei khawp mai hi a lo nia. Kan thianpa pakhat, a hming chu sawi lo mai ila, ‘Thlalakna dawr’ nei hi a nia! A thiannu kha ka lo hmuhsak palh hlauh peka! Thianpa, a va tha lem love kan ti rawk mai chu, en thiam a ngai alawm a tive tlat asin. Chantawka lungawi hi a lo hlu ngai e ka tihve theih phah ta deuh chuan ka hria! Nimahsela, ti teh ang, nimahsela, a ruala hmangaih neih teuh hi chu ‘PHERH’ an ti emawni ka ten tluk zetin ka ten, Uiha! Nia, ka ten chiang alawm. Ka thianpa pakhat, Advocate Manuna changvawn(Thusawm pek?) pakuana, ‘ Ka bialnu ka hmangaih hle tur a ni’. tih hi ka vawng tlut tlat, engemaw kawng zawng taka chhut chuan Siamtu thuawihna kawng khat a ni tlat. Lunglen hi a lo lak nat ve theih khawp asin, chaw ngheia, mu hlun reng pawh ka hre maithei asin( Papuia leh Patea hi chu an ni miah lo, sawi chi pawh a ni keng kung lo, Hmangaih Jasmine a ni mai!)Mizo kan tih hian tlawmngaihna, rinawmna leh huaisenna a keng tel ani tiin Zikpuii pa khan thahnemngai takin a lo sawi tawh a. Heta rinawmna hi kan bialnu/bialpa te lakah pawh kan chhawm nung tur ani lawmni? Uankil Tluangte……?

‘Lengdang chhai zawng ka ching ve ngailo
Rinawmna hi ka pianphung a ni e,
Chu ngei chu a ni lawmni min duh chhan kha…’
Kan ti ta dial dial anga, chutichuan
‘Aw damten Run lum dunin,
Tu dang ngailo reng reng hian e,
Aw hlimtea lengdun a,
Chung khuanu malsawmna zarah,
Chunnu leh zuapa chang turin
Khuanun min veng zel se
Kan ti dawn ta zuk nia mawle….

Nang Chauh

NANG CHAUH

 “Ngati nge khati khan min tih ve ziah a?”
 “Aw…Engtin nge ka tih che?”
 “Min hmusit alawm, min hmusit chiang a ni.”
 “Ka hmuhsit vang che a ni hlei nem, thil chu hrethiam ve tawh ta che.”
 “Nih, min hmusit nilo la khati khan min ti ziah nang. I awmzia hi hriatthiam a har em alawm.”
 “Nih leh ka ti tawh lovang che. Mahse i duhzawng ka hriat angin ka duhzawng min hriatthiampui ve la.” 
 “Mahse ngatinge min rin theih miah lohva? Hmm..min lo hmangaih tak tak lo a nih hi.”
 “Kum kha leh chen i lakah beiseina ka lo nghat ve tawh a, rintlak i nih loh hi ka lo ring ngai lo reng reng a….”
 “Mahse a mak ka ti, nang leh zelin ka laka rinna i nghat ngam lo hi chu.”
 “Aw..rintlakin awm hek lo che.”
 “Nih leh i beisei ka phak loh lutuk vang nge ka lakah beiseina i nghat lian lutuk zawk.”
 “Nang lo chu rin tur ka neih loh zia i hre reng alawm, mahse nang chuan ka hrehawm i pawisa lova, i tana ka inhuam zia pawh i hre reng a, i hrehawm ka hlauh avangin hrehawm tinreng ka tuar a, mahse nang chuan ka lawmna tur engmah i ti ve si lo alawm. I hlimna hi ka hlimna a ni a, i lawmna pawh ka tan lawmna a ni. Mahse nang chuan min kalsan veleh min theihnghilh thin si a…Anih leh kei hian theihnghilh ve ta che ila engtin nge i awm ang?”
 I hlawhtlin hun nghakin hun hei leh chen hi ka lo nghak tawh che a, ka nghak thlawn ang che tih hi ka hlau thin asin! I tan hian ka tih theih ang tawk tawk chu ti vein ka inhria a, i hlawhtlin hun hi ka lo nghak reng thin asin. Khawngaihtakin ka hmangaih che tih hi hre reng la, i tan ka theih tawk tlem hle mahse theihtawp ka chhuah ve thin a, i theihtawk chu ka tan chauh ti ve la ka duh a ni.
 Ka ngai ngawih ngawih che a, i lo haw hun tur hi ka nghakhlel hle thin asin! Engtikah nge i lo haw ang a, ka tan i theihna te i hlan ve ang le..!? Nang leh kei hi chu thenhran theih kan ni mawlh si lova…

 “Ka hrethiam ta…engti fakau in nge min lo hmangaih tih chu..”

 “Ania sin, NANG CHAUH hi hmangaih takin Zoram hian nghakhlel em em in ka thlir reng che a sin…!”